發表文章

目前顯示的是 1月, 2016的文章

食得健康的快速料理~

圖片
寒冬來襲,搞到阿囡終於頂唔住病左啦~ 病左又無咩胃口,唯有用屋企的儲糧整番個通心粉俾佢食啦~ 就整個最簡單的瘦肉蛋花粟米羹通心粉 有齊蔬菜類,蛋奶類,肉類同澱粉質~ 首先就煲好個通粉先~ 熱水後落2粒鹽,之後再倒埋D通粉一齊煲~鹽可以令通粉快熟D架~ 第二個竅門就係焗 好多時覺得點解滾咁耐都未熟透 其實只要煮到八份熟,再加蓋焗,D通粉就會熟透哂架啦~ (當然,如果你想仲有少少白心,就唔好焗咁耐囉) 焗熟既通粉熟得幾透,比起未煑前大左成倍呀~ 係焗通粉既同時,我地就去準備個羹啦~ 首先,當然要醃左D瘦肉先~ 加油,鹽,豆粉攪勻放一陣就可以落鑊先煮到八成熟~ 大人可以先爆熟D豬肉,香口D 阿囡病緊,所以我都係白灼D豬肉算~(口感係會差少少架啦) 煮完個肉,加埋粟米蓉落去煲一陣,之後加入蛋花 如果係大人就可以熄左火先加入蛋花搞勻,D蛋會更滑 小朋友食,最好就係加左蛋花搞下先熄火啦~ 因為今次我係整個汁,所以特別加少D水,等佢濃D~ 登登登,呢個健康簡單又好味的通通粉就搞掂啦~ 唔係我講架,阿囡病緊,無咩胃口都同我食左2碗~HAHA~ 見到阿囡病到咁,真係戥佢辛苦,仲慘過自己病 所以話,家人既健康幾時都咁緊要~ 為左家人健康,最近都轉左用萬歲粟米油~ 一黎,鐘意佢個樽身扁扁地,仲有埋握手位,易拎上手 連個出油位都好鬼靚~XD, 仲可以因番份量,唔會一下倒好多出黎~ 二黎係呢隻油係 全天然、無膽固醇、無添加劑及防腐劑  最近的地溝油搞到個個都人心惶惶 當大家開始去注意平時食開既油時 發現就算唔係地溝油,都有好多添加劑,人工成份 油係每日既飲食中都要架嘛,更係身體必須 若吸收不足會影響身體活動及新陳代謝~ 但如果日日食左咁多化學野入肚,都咪話唔驚~ 而萬歳粟米油除左以上既4個不含之後,仲不含BHA/BHT抗氧化劑呢D致癌物質 上網睇過Mazola出產的食油過氧化值都必須在每公升2毫克以下,以確保食油的新鮮度。 市面上很多其他食油品牌的過氧化值都在每公升3

新派泰菜新煮意~ORANGE ELEPHANT

圖片
最近係九龍城富豪酒店後面開左間好新式的泰國 裝修好別緻,個名仲得意,叫 ORANGE ELEPHANT  尼度一改泰國菜的傳統裝修,改為光猛,MODERN 為主 最鐘意牆上的象同碟設計,好ARTISTIC 呀~ 呢度佔地都幾大,除左有個大廠,仲有一個可以拉埋門的玻璃房 用黎做包場都幾好喎~ 揀呢間最主要原來係貪小便宜啦~ 除左晚上九點後有七折外,仲有每日的特價菜 1蚊一條烏頭呀,買個檸檬都唔夠啦~ 至於其他菜式方面價錢都係幾十至百多元,都算係街坊價~ 黎泰國餐廳,當然要叫冰 (雖然真係好鬼凍) 珍多冰同三色冰 好大杯呀,冰都算適中,唔會成杯冰 椰汁底都好香濃,唔係稀稀個D~ 味道亦較調番啱香港人,唔係好甜個隻~ 餐前小食,來個一蚊雞的蝦餅 雖然係1蚊,但都有六舊大大舊,絕無欺場呀~ 面的粉炸得好香脆,亦未無好油賺的感覺 蝦餅本身反而無咩味~ 好似打邊爐的丸咁,粉的感覺比較重~ 跟蝦餅的醬竟然似燒鵝的酸梅醬,而唔係甜酸醬,有點兒怪怪的~  伴碟的酸蘿蔔味道幾好,但有少少菜腥味, 冬蔭公係我既至愛,所以叫左個大既~約有8碗度 湯的酸味好夠,辣味亦夠,但椰汁可以再落多少少 而且香茅亦太少,唔係好飲到香料味 超多蕃茄呀~感覺似一個蕃茄辣湯多D~  不過料唔少,蝦有4隻開邊架~ 咖喱海鮮脆包盅 咖喱係甜甜的 ,唔算辣,啱一D唔食得辣的人 飽外脆內軟,配合咖喱食好正 最神奇係個飽食到尾外皮都仲好鬆脆 再黎呢個椰子焗飯 面層加左好似椰汁膏的汁 一直覺得佢會加入椰汁去煮,感覺會甜的 但原來佢加入左椰青水 成個飯好清香,唔會膩~ \\ 飯入面仲加入左椰子肉,粟米等去煮,好有咬口~ 整體感覺呢間餐廳同裝修一樣, 有少少為迎合香港人而作出了味道的調較 沒有大濃大辣,只有溫和的小辣小甜 如果鐘意清清地既泰菜,都可以一試~  如要聯絡本人,請電郵至:  smonkichi@hotmail.com Fanpge :  www.facebook.com/smonkich Instagram : 

來自法國牛牛的Fred & Chloé

圖片
雖然阿囡戒左食奶粉,但都會KEEP住飲牛奶 俾小朋友飲用既野,當然最好全天然,無添加 現時的科學太先進啦,咩都可以促成,咩都有激素 所以作為媽媽,係揀食物時都真係要小心~ 今日就試飲左呢隻黎自法國的牛奶 Fred & Chloé 其實Fred & Chloé係2個好朋友,佢地本住對食物的熱情及堅持,一起周遊列國,為要找到品質高而價錢合理的美食帶給人們。來到法國,他們找到了令人一試難忘的鮮牛奶。 Fred & Chloé 採用了符合 Charter for Good Agricultural Prac tices (Charte des Bonnes Pratiques d’Elevage) 的法國牧場,此為一歐洲及法國 最有質素保證的幾個牧場,致力生產最好的牛奶,包括為他們的牛隻制定一個平衡的飲食習慣,保護他們的員工以及為保護環境不遺餘力 Fred & Chloé 更保證牛奶能 100% 回溯整個生產鏈的每個階段,讓客人可安心購買享用。 盒上有清楚的食物營養標籤,今次飲的係半脫脂奶,所以佢既脂肪含量亦較低。 為保持牛奶的天然鮮味,Fred & Chloé 拒絕在牛奶中加入任何防腐劑 激素及抗生素,以免影響牛奶的美味及營養價值 最欣賞佢連牛奶盒的生產都採用了森林管理驗證,為林木有效持續發展出一分力~ 咁大盒牛奶,一次過飲哂真係有D難度 所以有扭蓋真係方便好多~ 倒出黎已經聞到一陣很香的牛奶味 奶味比平時飲用的香港牌子都要濃 但係又無日本牌子個D濃牛奶咁膩~ 平時俾阿囡飲,我都會加熱番少少 加熱後更加香氣撲鼻 我好鐘意飲LATTE, 但係屋企整唔到個D泡泡 可以來一杯咖啡味既牛奶~ 以牛奶加入即溶咖啡粉,依然有LATTE個種香同滑~ 囡囡嘛,除左就咁飲外,當然鐘意加入脆卜卜的穀物早餐 朝早起身食一碗先返學 簡單方便又好味~ 除左半脫脂奶外,Fred & Chloé 仲有全脂奶,更加適合小朋友飲用 行開見到,不妨買盒試一試 你會發現牛奶原來真係有大不同~ 銷售點:

寒冬必備~鼻迅通RHINACTION

圖片
最近天氣突然轉冷 阿囡終於頂唔住凍親了 發燒,咳,打乞嚏咩都齊~>< 突然諗起呢隻 鼻迅通 RHINACTION  留意番,呢隻其實唔係藥,唔係醫療傷風架 佢可以舒緩傷風時的徵況 有 通鼻,潔鼻同消毒 的功效 產品有專利配方,含2.2%礦物鹽的高滲法國海水, 羅文莎葉,沉香醇百里香及野薄荷精油 而且更無防腐劑, 無血管收縮素, 無類固醇 法國製造架~ 因為不含藥物成份,所以3 歲以上就用得~ (懷孕及授乳期間的婦女,或對產品成份敏感人仕就唔用得啦) 呢個噴鼻劑不含藥物成份"血管收縮素",但血管收縮素其實係咩? 一般認為,鼻腔組織會透過血管舒張,抗衡血管收縮劑收縮血管的功效,達到一個平衡的狀態。所以,當血管收縮劑的藥效,隨著時間慢慢消失後,失去平衡的狀態,鼻腔裡的血管,便會出現反彈性舒張,從而加劇充血的情況,惡化鼻塞的現象。繼續用藥,更形成一個惡性循環,簡單說,愈用藥,愈鼻塞。 而且西藥嘛,還係少用為妙~ 成枝鼻迅通雖然細細枝,但可以噴到280次架~ 個噴嘴下面有個好似飛碟型的環,上面仲有一D粒粒~ 其實佢係方便使用架,只要雙手按住向下按,就可以噴出噴霧架啦~ 細細枝,阿囡都可以自己按到,自己噴 因為噴出黎個下都有D突然架,所以如果可以俾小朋友自己按,佢會無咁驚,易D接受 細個時都有買過類似既噴鼻噴霧俾阿囡 不過太大枝,幫佢噴時佢好驚,死都唔肯俾我噴 (最後成枝係掉左~@@)  不過阿囡就好鐘意呢枝噴鼻,因為可以自己噴,佢當係玩具咁玩 仲成日話要噴添~ 雖然係咁,但都唔可以不停咁噴架 成人每日只可以噴6次 3-15歲小朋友最多4次就夠啦~ 噴一次,清涼的感覺可以維持一段時間架 雖然喉嚨有時會Feel到有少少的苦味~ 話說囡囡夜晚瞓覺時鼻塞,成晚係咁咦咦哦哦都瞓唔到 我問佢噴下鼻好唔好,佢未瞓醒但都肯噴喎~ 噴完後明顯聽到佢的鼻腔通左好多,無咁大鼻塞聲啦~終於瞓到了~ 平時我出街,尤其出旺角呢D人多車多既地方,個鼻會無啦啦超癢 係咁搓都唔得~好辛苦 噴一下呢個鼻迅

過年去死皮,新春添喜氣~ der formula < 2 >

圖片
上文介紹左深層清潔 上文回顧  < --- 請按 今次就介紹更勁既煥膚~ G10 再生煥膚乳液 G10 TREATMENT LOTION 先睇下呢隻乳液有咩功效先 去除老化角質,重現肌膚光滑柔軟 改善偏黃暗啞,回復年輕白滑 刺激膠原蛋白增生,改善皮膚彈性  *** 配合醫學換膚治療一起使用,效果更佳** 可以見到成份有AHA架~ AHA ,果酸(Alpha Hydroxy Acid)的一種,存在於甘蔗汁中,可使皮膚表皮表層之黏膠性脂質鬆軟, 以利去除老舊角質,有加速細胞再生、減少皮膚皺紋及疤痕,增加皮膚光澤、美白等作用 AHA 因為係感光性架,所以搽完呢隻乳霜,一定一定一定要搽防曬 (好重要,所以要講3次) 因為G10 係屬於酸性,所以一定要用先 洗完面後,搽左爽膚水就要先搽呢隻乳霜,之後先再搽平時的精華同面霜~ 扭蓋開,唔使怕唔見左個蓋~最啱我呢D大頭蝦 同時亦可避免產品接觸太多空氣易變質~  每一泵的份量都唔少,質地呈乳霜狀,而且延展度係超高,好滑,基本上一泵已可搽勻面同頸~  吸收速度都好快, 不過搽上面時有少少吉吉地既感覺~ 不過只要搽番補濕的精華同面霜,吉吉地既感覺就好快無架啦~ 開初用都幾驚架,因為會有刺痛感,而且仲話會有可能出現粒粒或者暗瘡 因為G10幫皮膚更生,排出皮膚的毒素 TOUCHWOOD, 除左覺得皮膚較乾之外,無出現粒粒的情況~  如果好似我咁驚驚地,可以用係局部地方,例如膚色不均的地方,鼻翼,額頭等地方先試試~ 又或者用係背部既粒粒,手踭及腳踭呢D位都可以~ \干性肌膚的朋友就要慎用啦,因為真係會好乾~最好係夏天呢D無咁乾的季節用會好D~  用左2日後朝早起身,突然發現塊面係勁滑~ 唔係講笑,真係有剝殼雞蛋的效果~ 而且皮膚的緊緻度真係有提升~ 係咪睇相都FEEL到個隻滑呢? (真。無執過架)  唯一係因為呢排太凍,無咩敷MASK, 所以皮膚有少少缺水紅紅地的現象~ 但個種皮膚滑滑的感覺,真係好耐無試過啦~ G10 呢枝煥膚乳液有成100ML,幾大枝架 不過唔使一次過用哂~

浪漫專利心型飯~Janggun Sioyakki

圖片
係韓風咁勁既時期,去拍拖都離唔開韓燒啦 但黎食去都係差唔多,係咪開始有d!悶呢? 不如去試下呢間冧女一流的韓燒 朴將軍全韓烤  Janggun Sioyakki 位置係地鐵出口,好方便,女友著高踭鞋都唔怕行得遠~ 入到黎,都幾有情調,因為係一張枱一盞燈 每盞燈下面其實係一個抽風位黎,好睇又好用 就連枱角都磨平埋,真係男友都無咁細心呀! 介紹得,梗有特別野啦。 呢度既其中一款韓燒係韓國專利菜式黎架 係咩?睇埋落去啦~ 睇番個枱既擺設先 有生菜,沙律,醃野有泡菜,洋蔥粒同菜 生菜幾新鮮,唔會爛溶溶 沙律就麻麻,D椰菜絲無啤水,好硬,同埋好大兜,2個人應該俾少d, 有d浪費~ 呢度既醃野好得,3款都好味,尤其係個泡菜,爽甜辣度都好好,我refill左3次  XD 白色既係蘿蔔水,酸酸甜甜,又凍凍地,食完肉後飲啖,好解膩,讚~ 個鐵既燒盤應該係特制,前面有個坑,但唔係整蛋餅,而係俾d油流落去的~ 呢度除左唔同的燒肉,仲有唔少韓食 不過今日就專攻燒肉先~ 食韓燒,點可以無五花腩,先黎一個黑豚五花腩肉啦~ 大大2塊只係138元,超市買都要 怕燒得唔好俾女友詐型? 放心,呢度燒肉既粗重工夫有韓國oppa幫你做哂 你只係坐係度影相同食就得 Oppa 好聰明咁既d菇放係肉前面,吸哂d肉汁,d菇唔使咁乾之餘仲有肉既香味~ 豚肉有少少豬肉既騷味, 唔係得雪味~ 食既時候可以加入唔同的醃料,順帶一提,呢度既麵豉醬好好味呀,唔太咸但有麵豉既清香 仲有d麵豉粒係入面增加口感 韓燒其實真係要食牛,不話衰佬唔舒服,唯有食雞啦 雞加左秘製燒汁去醃,真係幾美味 oppa既手勢好好,燒完既肉仲好滑~ 再黎,就係呢個專利的 朴將軍鐵板秘製黑豚肉~ BLACK PORN SIOYAKKI 「SIOYAKKI」已經註冊成商標專利。「SIOYAKKI」是一款獨一無二的家傳風味菜式, 利用歷代相傳的自家秘製醬料烹調黑豚薄片。不論烹調方法,醬料和食譜都獲得專利權。 首先將刨成薄片的西班牙黑豚肉放係鐵板至燒熟 之後加上一大盤配菜去炒,再加埋飯去,中間加入