熱食比較有水準~ 組長日式放題
今日學校運動日，一早就放學了
和女女出旺角行個街，食個放題等佢開心下
一早六點去到，人地都係剛開門~HAHA
佔成層，位置幾寬闊~
呢度係任飲任食，除左有凍野飲外，仲有熱菜蜜飲
咁凍既天氣有杯熱野飲幾窩心，而且味道仲幾好添。
日式放題，都係差唔多個D ，呢度都有齊哂
食放題，第一食刺身是正常的~ 因為刺身味淡，
食左其他濃味野再食刺身就食到唔咩味
呢度既刺身都係第一道上~ 非常好~
鯛魚片，白象拔蚌，帶子，甜蝦, 鮑魚片
鮑片同白象拔蚌幾爽口，甜蝦黎左好多
其他都幾凍下 (可能天氣凍) ，整體黎講OK
壽司方面都點左不少貝類，壽司飯唔算好大件，啱啱好
飯粒都幾實，唔會鬆散~ 但感覺飯略硬~
整體賣相同味道都不錯
火炙壽司係最近的至愛
尤其係左口魚邊，經火炙後更美味~
呢度既火炙壽司亦不錯，少少熱，帶子熟中帶鮮
蒜香鐵板一口牛
牛肉好嫩，味道調得唔錯，有濃濃的烘烤蒜香味~
串燒則比較乾身，兩款串燒都很乾~
送多了一個炒雜菇來，幸好味道不賴~ 入口清新爽甜
章丸小丸子，女女 KO 了，入口有大大一粒章魚粒~
但我比較愛食這2個
年糕很煙韌，紅豆流心小丸子，雖然無流心，但紅豆唔太甜，外皮芝麻粒很香
天婦羅的話，那個比較像吉烈蝦~@@
茄子吸了很多油~ 感覺一般~
反而呢個香舊天婦羅很有驚喜
香蕉炸得很香，伴以朱古力醬，係一個非常野味的甜品~
卷物只試了這個芝士蝦卷
外型不錯，中間加了很多青瓜絲，整個口感豐富了~
女女的牛肉鳥冬，醬油湯底不算咸
鳥冬係細切扁鳥冬，非常幼滑~
另一個速辣酒煮蜆亦非常出色
蜆非常的大隻，而且亦無沙，辣酒不是紅紅的那種
是清新的白酒加辣，底下的蘿蔔吸收了辣酒的味道，辣得很起勁
而且超淋超入味，點晴之作~
一時忘記了點了牛肉鳥冬，又點了這個壽喜燒
放題黎講，呢個壽喜燒份量真係幾大份，食完半個都飽左
賣相不錯，湯底味道和牛肉烏冬亦很接近呀
入面的牛肉係超多超多，感覺不錯工本~
但略嫌不夠熱，雞蛋未能太熟
甜品自助吧的甜品，很有水準呀
尤其那個朱古力小麻糬，朱古力粉很香，但不太甜，好係MELTY 的朱古力咁~
那個櫻花匙真的夠搶鏡~
最近組長在搞活動，每人都可以玩一次魚蝦蟹
只要搖中２個同公仔就有獎，搖中兩個銅錢仲有現金獎添呀
阿女中左2條魚，嬴左個好好味的雞泡魚乾返黎~
菠蘿造型好得意
阿女第一次食，好食到停唔到口~HAHA
總括呢度既熱食水準不錯，很多都超出預期
而且坐得好舒服，出單幾足，
上餸時間都幾快，一陣就成枱野
收碟速度一讚，待應們都好勤力~
刺身就一分價錢一分貨啦
組長日式放題 Captain's Japanese Restaurant
旺角彌敦道594-596號旺角新城5樓
如要聯絡本人，請電郵至： smonkichi@hotmail.com
Fanpge : www.facebook.com/smonkich
Instagram : https://instagram.com/smonkichi/
留言
張貼留言